الضلام مش كله مرعب
تلقى لون الحبر داكن
و لولا لونه ما كان هيكتب
افتح شباك للقمر
لسه فيه ليل السمر
لسه فيه ذكرى حلوة
قصة فاتت
لسه جوه القلب ساكنة
و ذكرياتها معايا باتت
الجميل فيها البراءة و النعومة
عود يدندن لحن ذكرى
و بالنغم تغني ثومة
بألف ليلة
اسمع كمان
ده صوت ادان
و البلابل راح تزقزق
طب تصدق
الضلام اللي انت خايفه
ايوة عارفه
خلف بابك اللي قافله
فينه راح!!!
لسه شايفه!!!
هِدْ بابك اللي خانقك
تلقى نور الصبح شقشق
تعليقات
كم نحتاج تفاؤلا دوما
عندما تضيقانفسنا
بحلكتها
تلقى نور الصبح شقشق
يااة يابو حميد لو كل واحد عمل كدا
مكنش هايكون فيه ضلمه ابدا
والاسوأ ان يظن الانسان ان الشر دائم فلا يتحرك من اجل اجلاء الظلام
هِدْ بابك اللي خانقك
تلقى نور الصبح شقشق
لعل الصبح قريب
تحياتي
تدوينه جميله مثلك ومعبره
دمت متواجد
منتصرا علي كل ضيق
انتظر الجديد يا صاحب الوجه الجديد
لو فتحناه مش هقول كسرناه
هنشوف شعاع الضوء وهنبطل نقول
الكون ظلام ليه
كلماتك فيها معنى جميل اوى يا دكتور
دمت طيب دايما
شعرت ان نسيم الصبح يسري من نافذتي
ليملأ رئتّي المنهكتين
كم انت مبدع
:)
و اغزل الافراح ف توبى
و ف دروبى
كن لى خطوه
و ابدر الضى ف غناوى
و ابقى غاوى
لو ف قلب الشوق
انين
كون جنين
و اتولد من جوه خوف
حس غالب للظروف
يتنقش .. احساس مالينى
و تنادينى
وشوشاتك
و تناجينى
وشوشينى
***********************
طبعا القلم مشاغب و جاى يشاغب
بس ممكن اقولك ان ده من اجمل ما قريت لك بجد
روعه روعه روعه
الخوف جوانا سد
..
الضلمة مش بس خوف,, ده خوف من المجهول ..
دكتورنا الجميل
متألق جدا في النص ده ..
جميلة
شعرت انني استمع لرائعة عمر خيرت " قضية عم احمد " و التي تصيبني بالتفاؤل دائما
سلمت يمناك
شيماء سمير
بالفعل
كنت احتاج الى مثل هذه الوقفة
وقفة أمل
اشكرك
و لك كل التحية
صدقت
و لولا فسحة الأمل
ما عاشت خطاوينا
اشكر تواصلك
تحياتي
الحقيقة
ان احنا صناع الظلام الحقيقي
الظلام اللي بيعشش في القلوب
تحياتي لحضورك
واحشني كتير
الأخ العزيز
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo
السلام عليكم ورحمة الله وبركاته
ايقاع هادئ وصورجميلة فيما عدا بعض الملاحظات البسيطة مثل ، ( و البلابل راح تزقزق ) اعتقد ان البلابل تغرد
شكرا انك شرفتنا بالزيارة وتفضلت بالتعليق
لك تحياتى والسلام عليكم ، ولا سلام مع اليهود
تابع أول نظرة لينا على مدونة نظرة
فى إنتظارك
الحقيقة استهلال برؤية جميلة لوعي لديك يشبه شباك للقمر وبختامك الجميل لنفس الجو المستثمر في قصيدتك
الضلام اللي انت خايفه
ايوة عارفه
خلف بابك اللي قافله
فينه راح!
لسه شايفه!
هِدْ بابك اللي خانقك
تلقى نور الصبح شقشق
الحقيقة عجباني النهاية والتي تعني هنا البدء بشكل جديد
تحياتي
حسن أرابيسك
والاسوأ ان يظن الانسان ان الشر دائم فلا يتحرك من اجل اجلاء الظلام
---------------
حقا صدقت
الظن أحيانا يدفعنا للهاوية
كل التحية للقراءة المتميزة
تحياتي للتواجد القيم
لك التحية
يمكنك اعتبارها
تدوينة تواصل بين ابناء البشر
و مملكة القمر
سنفتح جسر تواصل
عبر الشباك
يسعدني تواجدك دوما
جميل ان أجد شعاع القمر يتسلل الى حروفك
دوما هناك نور لا نراه
فقط لأننا مغمضوا العينين
دمت بود
اوقات بتغمض عينيا عن جمال كتير ساكن فينا
يمكن الدنيا ومن الأيام وصوت زحام
محتاجين لاى نور ,, حتى لو كان نور من كلام
ولون كلامك حقيقه واضحه وكمان جميله
زى ما قلت تمام
تلقى لون الحبر داكن
و لولا لونه ما كان هيكتب
ولا كان هايكتب ولا كنا هانشوفه بعينينا لو كان شفاف
زى الحقيقه صعبه
صوتها مرعب
ولولا كده كان صوتها ضاع مع الأيام
حروفكــ بمعانى الفجر فعلاً جميله
تحياتـي ...
تواصلك وحده
يكفي لبعث الأمل
لك التحية و التقدير
و تنادينى
وشوشاتك
و تناجينى
وشوشينى
-------
في يوم ما سألت القمر
انت ليه بعيد قوي
لو تقرب مش هتندم
رد قال
لو أكون لك ملك ايدك
مش هتكتب يوم و تحلم
لو عايزني في يوم أزورك
انت بس تشق سورك
و تفتح شباك للقمر
سهر
المشاغبة تجيب مشاغبة
بس فعلا أحلى مشاغبة
لما تخرج من قلمك
تحياتي
سعيد للغاية لتواجدك
بنص عامي
فتواجدك وحده
احد ادوات التقييم الرفيع
دمت بود
كم يسعدني ان تكون أول زيارة بهذا التجاوب الكريم
تعليق مثير لزيارة قريبة
لصاحب التعليق
فظني انه يخبئ خلفه
قلم ذهبي
دمت بسعادة
زيارة مدونتك متعة شخصية
لا تستحق شكرا
و لكن الشكر و التقدير لكم
فابداعكم نبض لثمانين مليون
و انا أحدهم
لك التحية
ان شاء الله
سأطل على أول نظرة
و ستكون نظرة أولى و ليس أخيرة
تحية
تواجدك يضيف دائمة لمسة ابداع
انتظرها
و انصب لها قدرها
يسعدني دوما تواصلك
تعليق يليق بأميرة المدينة
هنا اشراقة جديدة
لوجه آخر جديد بصفحتي
لك تحيتي و تقديري
لست أدري أأحييك على هذا التفاءل
أم ألومك على الإفراط فيه
هل بالفعل هناك هكذا تفائل؟!!
ولكن هذا لايمنعنى أن استمتع بجمال الأسلوب وبساطته وصدقه
تقبل مروري وتحياتي
بس لو دخلت ضلمة زيادة عن الضلمة اللى جوه هزعل منك اوى
ساعات بحس النور جوايا والضلمة هيا اللى حوليا لو أمنت للدنيا هتضلم عليا زيادة وساعات بحس انى اتعودت على الضلمة وبقيت اشوف فيها كويس فا بقت نور فى عنيا
لا لوم و لا عتاب
دوما هناك ما يستحق
و ان لم يكن
فعلى الاقل
نحن نستحق
فلنتفاءل من اجل انفسنا
ليس افراطا بالامل
و انما لعدم التفريط في الفرصة
تحياتي لقراءتك الواعية
سعدت بها
شكلى هاقولك زى ماقلت لمحمد الدسوقى "هو الواحد يغيب شوية يجى يلاقيك قالب الدنيا كدة" ايه الجمال والنضج ده يا دكترة بجد جامدة جدا وحاجة تفرح بعد النكد اللى احنا فيه
دمت بخير
قبل ما تفتحي شباكك
فتحي عينك كويس
ساعات كتير بيكون سبب الضلام
اننا اصلا مغمضين
منورانا بعد الغيبة الطويلة دي
وحشني كتير
و عارف اني مقصر كتير
بس أكيد غصب عني
ادعيلي
تحياتي