فيسبوكيات





فيسبوكيات

دهاليز تهييس
مخنوق في كويز
ده كلام سياسات
و العشق أهات
تصبح و تبات
تبعت صباحات
وقلوب دبدوب
اشعار لنزار
و العم جاهين
داخل في جروب
لاجل الاقصى
شعارات اضراب
علشان اغنية لعمرو دياب
حكايات للشارع و الاصحاب
اخبار أهرام
بالفيديو ياهووو
و نموت لحجاب
و نعيش على باب
حر الاحرار
يكتب تعليق
يشجب و يدين
يعجب بالـ شير
يعلن لكتاب
و الكاتب مين
مغمور مصنوع
على ايد أصحاب
اعلان ببلاش
و حسابه على مين
ده حساب مقفول
علشان تقرير
يخرس له الصوت
لأجل الصورة
بيضيف في صديق
يبعت له ورود
كحك و بسكوت
و هلال رمضان
و الحملة لخاتمة بدون قرايات
ابعت اذكار
تكسب حسنات
شغال الـ شات
انا غرضي شريف
ابو قلب نضيف
يكتب في الـ نوت
شخابيط ع الحيط
و مديح بالـ لول
و شتيمة بالـ تييت
اليوم ما ينام
موصول الليل
و زحام أفكار
في ميدان رمسيس
علشان الـ فان
حبة تهييص
يجمع تواقيع
يمنع توريث
جرب حظك
لا الحظ يصيب
و أنا أشبه مين
رايح على فين
انا تهت و تاه
مني الاحساس
مبروك مبروك
ادخل بسلام
ده مطار لما طار
في عقول الناس
دستور مسبوك
حكمه المفكوك
يعلن بقيام
دولة فيسبوك



تعليقات

‏قال mohamed ghalia
معاك حق دى دلولة تانية فعلا
‏قال ابو احمد
اهو أحسن من القاعده على القهوه
‏قال Hanno
مش مصدقة على انى قريت حاجة جميلة أوى كدة ...

( ده مطار لما طار
في عقول الناس
دستور مسبوك
حكمه المفكوك
يعلن بقيام
دولة فيسبوك)

مش عارفة أعلق ... عجبانى اوى وحساها واقعية لأن احنا مش واخدين بالنا من حاجات كتير ..
‏قال Unknown
جميلة اووووى يا
دكتور احمد
د.أحمد
تحياتي لقلمك المبدع وللغتك السهلة الممتعة
تقديري
أحمد ... صباحك مسك
أنا كمان إنبسطت كتيير من وجه جديد
وإتفاجئت كونك مدون زميل
فيسبوكيات ... شرحت للي مش فاهم إيه هو الفيس بوك معناه.
بساطة كلماتك تدخل القلب بدون إستئذان.
تحياتي لك و لقلمك وإنشاء الله أكيد لي عودة
‏قال امنية
وصف متميز للواقع

الزيارة الأولى ولن تكون الأخيرة
بإذن الله
‏قال منــار فايد
حلو اوي اوي بجد
الكلام فهمته مع ان تركيبه عجيييييييب
سعيده بالتعرف ع مدونتك


تقبل تحياتي
‏قال Ahmed Othman
محمد
منورني يا غالي
اشكرك
‏قال Ahmed Othman
د مجدي

احسن طبعا
و احيانا....
منورنا يا دكتورنا
‏قال Ahmed Othman
د هانو

سعيد بتواصلك هنا
اشكرك
‏قال Ahmed Othman
بدراوي

تحية لتواجدك الاول هنا

سعدت به
‏قال Ahmed Othman
د ايمان مكاوي

أهلا بحضرتك و تواجدك الاول
تمنياتي بتواصل يدوم
‏قال Ahmed Othman
زرقاء اليمامة
سعيد بتواصل كريم
كادت تبدده الايام

لا تتأخري
‏قال Ahmed Othman
امنية
اهلا بالاشراقة الاولى هنا

تحياتي
‏قال Ahmed Othman
منار

اكيد يا فندم تعاملك بسيط
مع الفيس بوك
و اكيد لو تتواصلي معاه اكتر
الرموز هتبان اكتر
تحياتي لتواصل اول و امنياتي بالدوام
‏قال غير معرف…
واااو
‏قال tito
ما شاء الله عليك يا دكتور
بارك الله لك في قلمك وبارك لك في فكرك وفتح أمام فكرك آفاق الكلم وأبحر الخيال
طبعاًمش هقول منبهر بيها لأن التميز دايماً هو أهم سمات كتاباتك ناهيك عن النغمه المنتظمه التي تصاحب النص من أول كلمة فيه إلي آخر كلمة
وهو دا وجه جديد
احترامي الدائم رغم أنني مقصر في زيارة كلماتك
‏قال Ahmed Othman
هاجر
منوراني
و يسعدني تواصلك
تحياتي
‏قال Ahmed Othman
تيتو العزيز
غائب عن العين و لا يغيب عن قلوبنا
اسعدني تواصلك
و اتمنى ان يدوم تواجدك لنا جميعا
تحياتي