فاكرة العلقة الحلوة ايَّاها
يومها ايديكي
نزلت تلمس كتفي تطبطب
قبل ما تضرب
فاكرة لما بتقسي عليا من ورا قلبك
و أما عنيكي تغضب مني
ليهم بصة بتكهربني
طب ليه عينك لما تبرَّق
بُقك مش بيخبي الضحكة
فاكرة التقل المفضوح ليا
و رغمه أجيلك أترجَّاكي
خفِّي شوية
طب ضحكاية
حِنِّي عليا
و أما دلالك يوصل آخره
أبص فعينك
يلعب حاجبي
تضحكي تصفى كل الدنيا
عارفة ان انا مشتاق للعلقة
و محتاج أصغر جوا عنيكي
و ارجع تاني أشيل الشنطة
و اما بذاكر درسي معاكي
خدي بيفرح لما باخلّـص
لاجل ما ياخد منك جايزة
عارفة ان انا محتاج للجايزة
عارفة يا سرّي
صوتك لما بيحضن قلبي
م السماعة يقوللي واحشني
- لأ مش بابكي
بس تملي بتطرف عيني م الحساسية
زي ما دايما تطرف عينك
و أما أجيبلك صورة الكاميرا
أول كلمة بتطلع منك
( شاكلك خاسس
حاسب م التكييف البارد
سوق على مهلك
امتى هترجع )
عارفة الشنطة الواقفة قصادي
من كام شهر و لابسه هدومها
بس مصيبتي
ان الساعة هنا في الاوضه تلف العكس
فكرك حجر الساعة مفوِّت
و لا الاوضه في عالم تاني
مفيهوش الا عقارب صبر
عقرب صبري يا سري دبحني
و أما بفرفر بحتاج حضنك
عارفة ان انا مشتاق للحضن
تعليقات
يا شمعة منها الضياء
وإليك من ربى جزيل الأجر
يا رمز العطاء
رائع للغاية ما خط قلمك يا صديقى
ربنا يبركلك
بجد جميلة قوي
(:
تقبل مروري
,تحيـــــــاتي
كل سنه وانت طيب
و خصوصا انك بتوصف حتت كدة و تفاصيل مستخبية ... يمكن بتمس من كل حد فينا حاجة .. تسلم الايادى ..
الله
الله
الله عليك
بتاخدنا الغربه مننا لبلاد بعيده
لو حتى خطوه بنقرب منها كأنها مسافات طويله
وكلمه منها كأنها لمسة دفا وعمر كامل بيرحل بعيد لما بس تغمض عنيك عليها
حاجات كتير صغيره بس بتكسر وتذوب جبال التلج
ولحظة معاها بضحكها بتفوت معاها سنين البعد
بجد مش عارفه اقول اد اييييييييييه جميله
اوى اوى يعنى بجد
ولا عينى دمعت كدة من فترة
كل عام والأمة الإسلامية إن شاء الله منتصرة
كل عام ونحن جميعاً إلي الله أقرب وعلي طاعته أدوم
تقبل الله منا ومنكم صالح الأعمال
بجد معانى جديدة وجميلة
وقلبت على المواجع وفكرتنى بالغالية
يارب اشوفها قريب
كل عيد وانت بالف خير
حتى وهى قدامنا
لاننا مهما حصل
مقصرون
سلمت امهاتنا جميعا
الكلام جميل بجد
تسلم ايدك
وكل سنه وانت طيب
أنا دمعت يا أخي ايه ؟
اعتذر عن التأخير دوما
و لكنها ظروف قهرية تطاردني
لك تحياتي
كويس ان الكلام عجبك
على فكرة
هو ده احدى تطبيقات جوهر قاللي
دمت بود
اشكر تواصلك الكريم
في كل مكان انت مرحب
هنا او الفيسبوك
دمت بود
يسعدني تواصل قلم مبدع زي قلمك
ده نقدير لي
تحية
دكتورنا العزيز
و نقيب الصيادلة المدونين
فييييييييييييييينك من زمان
وحشتنا كتير
القلم المتصاعد
اشكر تواجدك هنا
و عذرا للتقصير
تحياتي
صاحبة الحروف المتدفقة
أشكر تواصلك الكريم
دمت بود
اشكر تواصلك
و لك التحية
كل عام و انت بخير
عذرا اذا اصابك الحزن بفعل الكلمات
و لكن ما يغفر لي
أنهن أهل لذرف الدمع
تحياتي لتواصلك
كل عام و انت بخير
المرة دي (بحر المتدارك)
واحشني كتير
و كل عام و انت بخير
و تقر عينك برؤية الاهل و الاحباب
عن قريب ان شاء الله
فعلا مهما عملنا مقصرين
يا رب نقدر نوفي بقدر الاستطاعة
بلا تخاذل
اشكر تواصلك يا دكتورة
ما هو اصل
دمعت قبلك
بس خليها في سرك
تحياتي
دمت بود
سعيد جدا بتواجدك بمدونتي
تحياتي لقلمك و تواصلك
سلمت لك الام الكريمة
و سلمت كل ام
ووحشني روائعها
لذلك أعتذر عن غيابي القهري
الحقيقة تلك القصيدة
كذلك القصيدة السابقة جوهر قاللي
الإثنان رائعان بجد
وكما شعرت أن الكلمات قريبة جداً منبعضها وفي ترابط عجيب وجميل كذلك شعرت أيضاً أنها قريبة مننا جداً تحمل كثير من معاني جليلة لمشاعر جميلة وعزيزة تجاه كل شئ غالي علينا في حياتنا
الحقيقة أشعر أن قصيدتك أحدث رجة ورجفة داخلي لكونك تكتب لأحن مخلوق علينا على وجه الأرض مخلوق عندما نفتقده في حياتنا نفتقد معه الكثير من حلاوة العمر ومعانيه
صديقي العزيز
أوجعتنا قصيدتك كثيرة
تحياتي لقريحتك
حسن أرابيسك
تصدق ده اول تعبير حسيته لما قريت القصيدة دى . حسيت ان امى واحشانى اوى . انت جميل يا احمد ربنا ما يحرمك منها ابدا .
صدقت
و سعدت بتواجدك
الى تواصل يدوم
تحياتي
حسن ارابيسك
رب الريشة و القلم
امثالك من الفنانين قادرون على رؤية الجمال المجرد
سعدت بتواجدك للغاية
فرؤيتك الخاصة تهمني
تحية
اجتمعنا هنا في حب ست الحبايب
هكذا هي دوما
تجمع اشتاتنا
و اذكر هنا تدوينتك عن ذكريات الماضي
التي كانت تصر تلك الام الحنون لحفظها
حتى تحيي داخلك زمنا جميلا
تحياتي