افتح شباك للقمر






الضلام مش كله مرعب
تلقى لون الحبر داكن
و لولا لونه ما كان هيكتب
افتح شباك للقمر
لسه فيه ليل السمر
لسه فيه ذكرى حلوة
قصة فاتت
لسه جوه القلب ساكنة
و ذكرياتها معايا باتت
الجميل فيها البراءة و النعومة
عود يدندن لحن ذكرى
و بالنغم تغني ثومة
بألف ليلة
اسمع كمان
ده صوت ادان
و البلابل راح تزقزق
طب تصدق
الضلام اللي انت خايفه
ايوة عارفه
خلف بابك اللي قافله
فينه راح!!!
لسه شايفه!!!
هِدْ بابك اللي خانقك
تلقى نور الصبح شقشق


تعليقات

‏قال shaimaa samir
رااااااااائعة
كم نحتاج تفاؤلا دوما
عندما تضيقانفسنا
بحلكتها
‏قال حسن حنفى
الانسان لو مش عاش وهو بيبص للمستقبل نظره متفائله يبقي هيخلي كل حياته عذاب حتي الفرح منها
‏قال blue-wave
هِدْ بابك اللي خانقك
تلقى نور الصبح شقشق

يااة يابو حميد لو كل واحد عمل كدا
مكنش هايكون فيه ضلمه ابدا
‏قال الازهرى
كثير من الامور التى نخافها لا تكون ضارة
والاسوأ ان يظن الانسان ان الشر دائم فلا يتحرك من اجل اجلاء الظلام

هِدْ بابك اللي خانقك
تلقى نور الصبح شقشق

لعل الصبح قريب
‏قال kochia
حلو اوي وكلها تفاؤل
تحياتي
ايوه فعلا الضلام مش كله رعب
تدوينه جميله مثلك ومعبره
دمت متواجد
منتصرا علي كل ضيق

انتظر الجديد يا صاحب الوجه الجديد
‏قال r
عندك حق الباب اللى فاكرينه حامينا هو اللى خانق حريتنا
لو فتحناه مش هقول كسرناه
هنشوف شعاع الضوء وهنبطل نقول
الكون ظلام ليه
كلماتك فيها معنى جميل اوى يا دكتور
دمت طيب دايما
‏قال dr.Roufy
حين قرأت كلماتك
شعرت ان نسيم الصبح يسري من نافذتي
ليملأ رئتّي المنهكتين

كم انت مبدع
:)
سكن الاحلام ف ضلك
و اغزل الافراح ف توبى
و ف دروبى
كن لى خطوه
و ابدر الضى ف غناوى
و ابقى غاوى
لو ف قلب الشوق
انين
كون جنين
و اتولد من جوه خوف
حس غالب للظروف
يتنقش .. احساس مالينى
و تنادينى
وشوشاتك
و تناجينى
وشوشينى
***********************

طبعا القلم مشاغب و جاى يشاغب
بس ممكن اقولك ان ده من اجمل ما قريت لك بجد

روعه روعه روعه
‏قال أسماء علي
حتى لو الباب اتهد
الخوف جوانا سد

..

الضلمة مش بس خوف,, ده خوف من المجهول ..

دكتورنا الجميل

متألق جدا في النص ده ..
الله يا فندم

جميلة
شعرت انني استمع لرائعة عمر خيرت " قضية عم احمد " و التي تصيبني بالتفاؤل دائما

سلمت يمناك
‏قال Ahmed Othman
المبدعة
شيماء سمير
بالفعل
كنت احتاج الى مثل هذه الوقفة
وقفة أمل

اشكرك
و لك كل التحية
‏قال Ahmed Othman
ا/ حسن حنفي
صدقت
و لولا فسحة الأمل
ما عاشت خطاوينا

اشكر تواصلك
تحياتي
‏قال Ahmed Othman
د/ عمرو
الحقيقة
ان احنا صناع الظلام الحقيقي
الظلام اللي بيعشش في القلوب

تحياتي لحضورك
واحشني كتير
‏قال غير معرف…
دعوه
الأخ العزيز
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo
‏قال Beram ElMasry
الاخ العزيز . وجه جديد د.أحمد عثمان
السلام عليكم ورحمة الله وبركاته
ايقاع هادئ وصورجميلة فيما عدا بعض الملاحظات البسيطة مثل ، ( و البلابل راح تزقزق ) اعتقد ان البلابل تغرد
شكرا انك شرفتنا بالزيارة وتفضلت بالتعليق
لك تحياتى والسلام عليكم ، ولا سلام مع اليهود
‏قال mohamed ghalia
http://www.nazratolife.blogspot.com/
تابع أول نظرة لينا على مدونة نظرة
فى إنتظارك
‏قال حسن ارابيسك
الاخ العزيز / وجه جديد د.أحمد عثمان
الحقيقة استهلال برؤية جميلة لوعي لديك يشبه شباك للقمر وبختامك الجميل لنفس الجو المستثمر في قصيدتك
الضلام اللي انت خايفه
ايوة عارفه
خلف بابك اللي قافله
فينه راح!
لسه شايفه!
هِدْ بابك اللي خانقك
تلقى نور الصبح شقشق
الحقيقة عجباني النهاية والتي تعني هنا البدء بشكل جديد
تحياتي
حسن أرابيسك
‏قال Ahmed Othman
الأزهري

والاسوأ ان يظن الانسان ان الشر دائم فلا يتحرك من اجل اجلاء الظلام

---------------

حقا صدقت
الظن أحيانا يدفعنا للهاوية

كل التحية للقراءة المتميزة
‏قال Ahmed Othman
kochia

تحياتي للتواجد القيم
لك التحية
‏قال Ahmed Othman
أميرة مملكة القمر
يمكنك اعتبارها
تدوينة تواصل بين ابناء البشر
و مملكة القمر
سنفتح جسر تواصل
عبر الشباك


يسعدني تواجدك دوما
‏قال Ahmed Othman
د/ بسنت

جميل ان أجد شعاع القمر يتسلل الى حروفك
دوما هناك نور لا نراه
فقط لأننا مغمضوا العينين

دمت بود
شفت في كلامك لون الفجر بينادي ألف نور ساكن جوانا
اوقات بتغمض عينيا عن جمال كتير ساكن فينا
يمكن الدنيا ومن الأيام وصوت زحام
محتاجين لاى نور ,, حتى لو كان نور من كلام
ولون كلامك حقيقه واضحه وكمان جميله
زى ما قلت تمام

تلقى لون الحبر داكن
و لولا لونه ما كان هيكتب

ولا كان هايكتب ولا كنا هانشوفه بعينينا لو كان شفاف
زى الحقيقه صعبه
صوتها مرعب
ولولا كده كان صوتها ضاع مع الأيام

حروفكــ بمعانى الفجر فعلاً جميله
تحياتـي ...
‏قال Ahmed Othman
د/ روفي

تواصلك وحده
يكفي لبعث الأمل
لك التحية و التقدير
‏قال Ahmed Othman
المبدعة سهر
و تنادينى
وشوشاتك
و تناجينى
وشوشينى
-------
في يوم ما سألت القمر
انت ليه بعيد قوي
لو تقرب مش هتندم
رد قال
لو أكون لك ملك ايدك
مش هتكتب يوم و تحلم
لو عايزني في يوم أزورك
انت بس تشق سورك
و تفتح شباك للقمر


سهر
المشاغبة تجيب مشاغبة
بس فعلا أحلى مشاغبة
لما تخرج من قلمك
تحياتي
‏قال Ahmed Othman
د/ أسماء
سعيد للغاية لتواجدك
بنص عامي
فتواجدك وحده
احد ادوات التقييم الرفيع

دمت بود
‏قال Ahmed Othman
ا/ عبد الحميد محمد
كم يسعدني ان تكون أول زيارة بهذا التجاوب الكريم
تعليق مثير لزيارة قريبة
لصاحب التعليق
فظني انه يخبئ خلفه
قلم ذهبي

دمت بسعادة
‏قال Ahmed Othman
ا/ بيرم
زيارة مدونتك متعة شخصية
لا تستحق شكرا
و لكن الشكر و التقدير لكم
فابداعكم نبض لثمانين مليون
و انا أحدهم
لك التحية
‏قال Ahmed Othman
الاخ محمد
ان شاء الله
سأطل على أول نظرة
و ستكون نظرة أولى و ليس أخيرة

تحية
‏قال Ahmed Othman
الفنان / حسن ارابيسك
تواجدك يضيف دائمة لمسة ابداع
انتظرها
و انصب لها قدرها
يسعدني دوما تواصلك
‏قال Ahmed Othman
مدينة النساء

تعليق يليق بأميرة المدينة
هنا اشراقة جديدة
لوجه آخر جديد بصفحتي

لك تحيتي و تقديري
‏قال سامية فريد
د. أحمد عثمان
لست أدري أأحييك على هذا التفاءل
أم ألومك على الإفراط فيه
هل بالفعل هناك هكذا تفائل؟!!
ولكن هذا لايمنعنى أن استمتع بجمال الأسلوب وبساطته وصدقه
تقبل مروري وتحياتي
‏قال wafaa
حاضر هفتح الشباك
بس لو دخلت ضلمة زيادة عن الضلمة اللى جوه هزعل منك اوى
ساعات بحس النور جوايا والضلمة هيا اللى حوليا لو أمنت للدنيا هتضلم عليا زيادة وساعات بحس انى اتعودت على الضلمة وبقيت اشوف فيها كويس فا بقت نور فى عنيا
‏قال Ahmed Othman
سامية فريد
لا لوم و لا عتاب
دوما هناك ما يستحق
و ان لم يكن
فعلى الاقل
نحن نستحق
فلنتفاءل من اجل انفسنا
ليس افراطا بالامل
و انما لعدم التفريط في الفرصة

تحياتي لقراءتك الواعية
سعدت بها
واحشنى جدا يابوحميد
شكلى هاقولك زى ماقلت لمحمد الدسوقى "هو الواحد يغيب شوية يجى يلاقيك قالب الدنيا كدة" ايه الجمال والنضج ده يا دكترة بجد جامدة جدا وحاجة تفرح بعد النكد اللى احنا فيه
دمت بخير
‏قال Ahmed Othman
ا/ وفاء
قبل ما تفتحي شباكك
فتحي عينك كويس

ساعات كتير بيكون سبب الضلام
اننا اصلا مغمضين

منورانا بعد الغيبة الطويلة دي
‏قال Ahmed Othman
د / أحمد
وحشني كتير
و عارف اني مقصر كتير
بس أكيد غصب عني

ادعيلي
‏قال dalia
عنوان جميل والبوست واقعي جدا
تحياتي
السلام عليكم.. كل عام وأنت بخير.. أنا مسلم.. نعم اسمي مسلم.. أنا سعيد والحمد لله بميلادي مع شهر رمضان المبارك وسأكون سعيدا أكثر بزيارتك..