الأحد، 26 أكتوبر، 2008

كتكــــــوت (بيتنا)



و بيتنا كان فيه نسر و صبح كتكوت
زي ما تقوله ماما .. تحركه بريموت
وسط الديابة جبان و صوته مش طوعه
وسط الغلابة يبان.. فتــوة بالنـــبوت

الأربعاء، 15 أكتوبر، 2008

فلسفة الحب


الحب يا حبيبتي

بئــرٌ عميــقْ

يأتيه كل عاثرٍ

ضل الطريقْ

يسأله الماء النجاة

لتدب في القلب الحياة

و يعود للعين البريقْ

فيضن البئر حرمانا

ليذوق الموت طمآنا

أو يهوى في الجب

غريــــــــــقْ





السبت، 4 أكتوبر، 2008

أنا عيد ميلادي الليلة









أنا عيد ميلادي الليلة و جابولي شمع وتورتة
و قالولي لازم تغني....انا قلت يا دي الورطة
ما هو أصل قلبي الحزين مش لايق على فرحهم
و لما غنيت حزايني عملولي محضر شرطة



أنا عيد ميــلادي الليلة قايدين لي كام شمـــــعة
دي شمعة نورها بيرقص و دي سايل منها دمعة
و أمـــا بالفرح أغني... الكل بيهـني
و أمــــا أصرخ بهمي ...الخلق مش ســــامعة



أنا عيد ميلادي الليلة ...و شعري لسه ما شاب
عجيبة وإحنا في زمن ما فيش في طوره شباب
ما تغرك في يوم هيئته ولا لون صبغته
قلبي العــجوز يا جـــدع من اللي شافـــه داب



أنا عيد ميلادي الليلة ..و الكل فرحان ليه
ما هو اللي عدا سنين بس اللي فاضل ايه
و لحظات و لا أيام و لا سنين يا ترى
بقى أفرح على اللي اتهدر ولا أبكي عليه



أنا عيد ميلادي الليلة و العمر في النازل
نازل من بطــــنها....و لبطـــــنها نازل
و لما يجي الميعاد ..اليوم بيصبح حياة
يا مين يديني يــــــــــوم فيه حد متنازل