الأحد، 21 سبتمبر، 2008

تخاريف


وقبل العيد
حاجة خفيفة
كل عام و انتم بخير
لا مانع من بعض المرح




فرخة شقية
نطت نطة
راسمة عليا
انها بطة
غضيت بصري
قولت انا صايم
اتخيلت قوامها دا عايم
وسط المرقة
قولت يا واد
ما هي مش فارقة
فاضل ساعة لأجل ادانك
اما الحلوة ادانها الان
أذن فيا عمنا كوكو
زوجتي حبيبتي
و ام عيالي
ناوي تاكلها بالمجان
قولت يا كوكو
هي البادئة
و ماشية تمخطر ريشها كمان
خليها عبرة
لكل غوية
تغوي الناس في نهار رمضان
بصيت جنبي
لقيتني لوحدي
فين الفرخة
و فينه ديكها
اما صحيح يا اخوانا جنان
باين اني بيتهيألي
عذري معايا اكمني جعان

السبت، 13 سبتمبر، 2008

رضاك عني






و مين يقدر على الأقدار

و مين مرة لمصيره

كان مختار

و ما يرد القضا الا

دمع العين

و قلب حزين

على ذنبه

لسان عامر بذكر الله

وايد ترفع نداك لسماه

تقول راضي على المكتوب

و لو ترضى يا رب اليوم

يجيني النوم

متهني

كفاية عليا م الدنيا

رضاك عني

ولو عايش بقيت عمري

ضعيف مغلوب

هيجي بكرة و يدور

على شباكي و ينور

و ما بين الناس

احلامي هتجيني

و ترفع قامتي وجبيني

تبوس الراس




الجمعة، 5 سبتمبر، 2008

فوضى




فوضاك نالت سيدتي
كل الاشياء
القمر الحالم
النجم
و غيوم سماء
و حبيباً ظالم للنفس
و العشق بداء
نكران الذاتِ
و لذاتي
لحبيب بعثر كل حروف الحب
هباء
فوضاك الكبرى
قيامة
و علامة خوف
و هروب
و فناء
لا لوم عليكِ
مضيعتي
بعثري اشياءك
فغداً لن يبقى بأيامك
الا الاشلاء