مولــــــــــــود
و كلي قيود
و الجبن جو القلب
ما له حدود
مولود مطاطي لتحت
محني العود
و من يومها
قاعد و مستني قدومها
كتبلي جدي فآخر سطر
دا اللي مكتوب ع الجبين
لازم هيجي اليوم
تشوفه العين
يمر الزمان
تعدي السنين
و شاخ الجبين
و هي غرقانة فـ نومها
لسه مستني قدومها
كتبت لابني في آخر سطر
اللي يضن بيه الزمان
بكره يجود
اياك وتنسى الوعد و الموعود
الزينة وعدت
جاية في الضهرية
سألني يابا
ميـــــن هي
قلت يا بني الحريــــة
تعليقات
اللي بنحلم بيها
ف ليلنا ونهارنا
اللي بتقلق نومنا
...
بتجيلي على كل جرح يا دكتور أحمد
بتيجي على الجرح وتفتحه اووي
عارف الأزمة إننا لازم نبدأ بنفسنا
عشان ناخد حريتنا لازم نبدأ نغير فينا الأول
...
لن لا يغير الله مابقوم حتى يغيروا ما بأنفسهم ..
...
واضح إني هابقى مقيمة في مدونتك ..
اسلوبك رائع فى العامى بالفعل سواء فى اخيار الكلمات او الصور
استمتعت هنا فشكرا لك
صحيح لازم نبدأ بنفسنا
مازلنا كأفراد لا نتقبل الآخر
أبناء المذهب الواحد
و القالب الواحد
الوثنية تحولت من أصنام الحجارة
الى أصنام العقول
مداخلة مميزة
استمتعت لاستمتاعك
اتمنى ان تكون خطواتي في الاتجاه الصحيح
و لن يأتي الا بآراء من يقرأ
تحية لك و لمداخلتك
الوعد مش كفايه .. الامل لازم له عمل
و احنا اكتفينا على سلاسلال الاجيال باننا نمنى و نوعد بعضنا باللى جاى .. اجمل
وجه جديد
ادمنت المجىء الى هنا حيث ابداع و .. فكر
اختك سهر
و الدراع مفرود
يكسر قيود الذل
و ندعي للمعبود
ان الأميرة تعود
و تاجها فوق الكل
الأخت / سهر
رفيقة القمر
لا تحرمي نفسك
من جرعات عالية التركيز
بمدونتي
فالعين بالعين
فقد أدمنت حروفك قبلك
لك التحية و التقدير
*****
مولود وكلي قيود
مسجون في سجن الصمت
والسجن ماله حدود
قضبان سلوك أسوار
فيها الأفق مسدود
مسجون وسجني مميت
وورقي دبل ع العود
******
الله عليك يا باشا
إيه الجمال والحلاوه دي
دمت بكل خير
وآخر دعوانا أن الحمد لله رب العالمين
صاحب أرق نبضات قلب
مداخلة تليق بحرفك القيم
و تفاعل يدل
أننا جميعا
بنفس المركب ذاته
ربنا ينجينا
بجد هو ده اللي أقدر أقوله .. !!
أسلوب عرض جميل قوي يا دوك ...
ما شاء الله عليك ...
تسلم ايدك ...
تذكرت ابياتا للراحل الرائع محمد الماغوط...
(المأساة ليست هنا
في السوط او المكتب او صفارات الأنذار
انها هناك
في المهد.. في الرَّحم
فأنا قطعا ً
ما كنت مربوطا ً إلى رحمي بحبل سرّة
بل بحبل مشنقه )
الانسان العربي يرضع الخوف منذ نعومة اظفاره...وتمر عليه السنون بنفس مقيدة
بسلاسل الخوف ...
ولكن هل يعني ذلك ان نجلس عاجزين وننتظر الحرية ان تأتي؟
الرد سيكون قطعا لا
فالحرية لاتمنح ...بل تنتزع انتزاعاً
جميل ماتكتب
تحياتي لك .