الأربعاء، 27 فبراير 2008

غمــــــــض عينـــــــــــك





لما تلاقي الخوف يتسلل
جوه ضلوعك
و أما تلاقي الدنيا اتسدت
و مفيش مهرب
إلا دموعك
مين هيعينك
بيني وبينك
غمض عينك
؟
؟
؟
لما تلاقي كلمة حق
و مالهاش صاحب
و يوم ما تقولها
ده بيلومك
و ده بيعاتب
تلقى الناس بلسانها التالف
مش بتحاسب
مين هيعينك
بيني وبينك
غمض عينك
؟
؟
؟
لما تلاقي الجوع في بلدنا
واقع صاير
و الاقطاعي وسط نعيمه
عايش طاير
و يا مسكين مش لاقي وظيفة
تصلب طولك بلقمة عفيفة
و هدمة نضيفة
و ايد على خدك
و ف بلكونتك قاعد حاير
مين هيعينك
بيني وبينك
غمض عينك
؟
؟
؟
لما تلاقي في نص الشهر
جيبك خالي
و الاسعار طالعة في العالي
رز و سكر
لحمة و كوسة
سمنة و زيت
أما دي حوسة
و المسئول ببرود أعصابه
جاهز برضة
برده الآلي
مين هيساعدك ع اللي في بالي
مين هيعينك
بيني وبينك
غمض عينك
؟
؟
؟
لما يمد ايديه في جيوبك
بحركة مريبة
ياخد زي ما ياخد منها
و يسمي افعاله ضريبة
أما عجيبة
لما هيشفط نص مهيتك
مين هيعينك
بيني و بينك
غمض عينك
؟
؟
؟
لما تلاقي جندي أميركي
جوه الدار
يؤمر يحكم وسط الشارع
ليل و نهار
ازحف
ارقد
و لو مش عاجبك
أو متضايق
مش هتشوف غير ضرب النار
مين هيخلص منه التار
مين هيعينك
بيني و بينك
غمض عينك
؟
؟
؟
لما تلاقي كلاب الغرب
من جرائتها
عليك بتهوهو
و اما تلاقي قطط الشرق
جوه في بيتها
قاعدة تنونو
و أهو ده يرسم
و أهو ده يشتم
فيك و في دينك
و المتواطئ قاعد ساكت
عينه في عينك
مين هيعينك
بيني و بينك
اوعى تغمض
ربي يعينك
؟
؟

الأحد، 24 فبراير 2008

هزمتني امـــرأة


لا

لن أضعف

لن أستكين

سأصرخ في وجهك

ماذا تفعلين؟

أتلعبين بقلب الأمير؟

بقلبٍ جسورْ

تخشى الأفاعي طلعته

خلف الجحـــورْ

تمر العصورْ

و قلبي أبدا جسورْ

لا يعرف سأماً أو فتورْ

قلب خطرْ

تعتيه أقوى الأعاصير

ما انفطرْ

قلب حجرْ

حجرٌ أصٌم لا يلين

و أنت الآن

أتلعبين؟؟


*******




غزوتِ بسحركِ أقسى القلوعْ

أضأت في جوف سقر الشموعْ

أسلت من الحجر الدموعْ

و في خضوعْ

سقط الأميرْ

أسيراً كسيْر

لقبضة الحب اللعين

و أنت الآن

أتلعبين؟


*******




عبرت سداً منيع العبورْ

و قلب فظٍ طغاه الغرورْ

أتاكِ يوماً أنيساً وديعْ

ملاه الربيعْ

يقول هلم لحب بديعْ

ما كان يعلم أن القدرْ

يُهديه طعماً لقلبٍ غدرْ

ليطفي بريق عيون القمرْ

فيجهض حباً بقلبي جنين

وأنت الآن

أتلعبين؟؟


*******




كالعادة

أعود لأستكين

أبكي أنين

و أصرخ أصرخ

صرخ الوهين

لا أقوى حتى أن أثور

فأين الجسور

ذُبِحَ الجسور

و سالت دماه مراقه

فقد كان حبه

مجرد حماقة

و بالرغم منه يدق الحنين

و أنت مازلت تلعبين

الخميس، 14 فبراير 2008

زفرات مغترب





تصرخ الأحزان جوايا والعين ماتبكي

هو طبع الرجـــــال في بلادنا كـــــــده

يشكي القـلم كـــــتر الألــــم ما يشكي

تفضل عيوني على الصمود متــعودة

أنا ممكن أقــول المُرّ و أعيد وأحكي

لـكن دمعـــتي في الجفــن متأسّــــدة



الأربعاء، 13 فبراير 2008

الخطوة الأولى





بدايتي يا سادتي
وطأة قدم تائهة
في قلب الصحراء
وصحراء العمر الموحشة
لا شمس فيها
لا قمر
لا نجم يهدي
الشرق و الغرب سواء
خارطتي ما عادت تجدي
بليال من غير سماء

طريق الألف ميل
يبدأ بخطوة
ربما !
و لكن سادتي
من ذا يضمن ألا أسير
ألف ميل للوراء ؟؟